ومضة شعرية رائعة للشاعر المبدع(يوسف حسن)
ماصدك قصير القامه يامولاي ++ ماأكدر ابد واستوعب الحاله
جذب حيدر كصير وهاكم البرهان ++ منفوك الفرس يشمر الخياله
جائز حيدره بطول الرسول يكون ++ لان بات بمكانه بيوم ترحاله
وبفراش الجبل ميصير تل يبات ++ لازم جبل نفسه ونفس تفصاله
مقصدوه السوالف هاي جذابين ++ الكصر لوله وحشه الوله تدناله
بحزامه الفقار يكلي جان كصير ++ معقوله الفقار يخط وره ذياله
بما انك علي ومخلوق من النور ++ اذن طولك اشعاع وضوه هل حاله
ويشهدلك نعم خيبر يبو الحسنين ++ ضخم جان وجبير وبالوصف هاله
ولزم عروه الباب شلون فسر هاي ++ لا تفسر شلون انشلعت اقفاله
علي طولك شمس وعيونهم حفاي ++ شافك من بعيد كصير حسباله
احفر قبر مرحب وبن ود وشوف ++ تعرف حيدر طويل شلون بأفعاله
عمود السيف ينزل فوك روس ++ مايضرب الكصه الهامه منواله
باوع علضريح وكول جان كصير ++ اذا كل هذا الضريح وكوه كفاله
اقنعني بقمر هاشم ليش جان طويل ++ علي يخلف ولد يطلع شبه خاله
علي طولك سمه واضعاف طول الكون ++ ونجوم السمه مجلبات بذياله
ماصدك قصير القامه يامولاي ++ ماأكدر ابد واستوعب الحاله
جذب حيدر كصير وهاكم البرهان ++ منفوك الفرس يشمر الخياله
جائز حيدره بطول الرسول يكون ++ لان بات بمكانه بيوم ترحاله
وبفراش الجبل ميصير تل يبات ++ لازم جبل نفسه ونفس تفصاله
مقصدوه السوالف هاي جذابين ++ الكصر لوله وحشه الوله تدناله
بحزامه الفقار يكلي جان كصير ++ معقوله الفقار يخط وره ذياله
بما انك علي ومخلوق من النور ++ اذن طولك اشعاع وضوه هل حاله
ويشهدلك نعم خيبر يبو الحسنين ++ ضخم جان وجبير وبالوصف هاله
ولزم عروه الباب شلون فسر هاي ++ لا تفسر شلون انشلعت اقفاله
علي طولك شمس وعيونهم حفاي ++ شافك من بعيد كصير حسباله
احفر قبر مرحب وبن ود وشوف ++ تعرف حيدر طويل شلون بأفعاله
عمود السيف ينزل فوك روس ++ مايضرب الكصه الهامه منواله
باوع علضريح وكول جان كصير ++ اذا كل هذا الضريح وكوه كفاله
اقنعني بقمر هاشم ليش جان طويل ++ علي يخلف ولد يطلع شبه خاله
علي طولك سمه واضعاف طول الكون ++ ونجوم السمه مجلبات بذياله