رسالة sms
من طرف وثيقه بكل فخر... وثق لك
جبل ماشفت بخلاقك ...وثقلاك
الك يرخص دمع عيني ...وثق لك
الكلب لمن يدك يوكع بيديه
وحك القلم والدفتر والكـــتاب
كلبي ماهو الغيرك ولك تاب
لامرسال أجه منك ولا كـتاب
جفيت وهاجن جروحي عليه
حبيبي مولع بشوكك ...والاعصاب
وضكت مر الهوى لجلك...والاعصاب
بعد ماضل صبر عندي ...والاعصاب
هاجت والخلل بين عليه
بعرش غدر الليالي من ربعنه
الف صاحب شرينه من ربعنه
سبب جرحك ياقلبي من ربعنه
ابد مال الشماته جروح بيه
هله يامن بلب حشاي داراك
ولا مثلي بشر بالكون داراك
منو العني يحلو الطول داراك
عفتني وما بعد تسأل عليه
احجي ولاتظل ساكت ولك قل
وعمرنا شما قربت ايامه ولك قل
مو بس الحمد اقرة ولك قل
هو الله احد عل السويته بيه
العشك يكتل ياصاحب وانته داري
هاك الكلب يمك وانته داري
انته اهلي وعمامي وانته داري
وانته امي وابوي وخال اليه
