اسم امي امان

[ندعوك للتسجيل في المنتدى أو التعريف بنفسك لمعاينة هذه الصورة]

اسم امي امان علليخافون
ونقاطه اتصير بالظلمه قناديل
انه امي الكاع
الربت رجال
بيهم خورست حلك المقابيل
وقوره وخيره ومن اهل الله
ينكال
ام كول وفعل موبس اقاويل
كرامتهه نخلهه وحيله جبال
وصبوره
ولو تثور اترد اساطيل
ام جلمه العدله الماتزل يوم
وذهب كل حرف من
تحجيه مثاقيل
وحظنهه تراب صح بس لفظا تراب
اذا هزت حظنهه اتذب
تماثيل
واذالولت ولد يبني دلول
نخلهه يطش شعرشعبي ومواويل
وذا
عاشور مرهه دموعهه اتطيح
مواكب تلطم بقامه وزناجيل
امس السافر من
اولادهه وراح
تمر لهناك ودتله مراسيل
امي مشيله من زاخو للفاو
وطرف
شيلتهه يوصل للمحاويل
كد مالبست اسود دمهه محروك
واذا تنزف جرح
تنزف براميل
انه ارض العراق اسم امي للزين
بس علشين تتحول عراقيل