زاورك احـرار...مـشـايـة ع الـنـار

زاورك احـرار...مـشـايـة ع الـنـار
والـرايـة يـحـسـيـن... مختومة بالثار
بـسـم الـمنتظر هزت...طفوف الغاضرية

وادي كـربـله يروي بشجن أعظم روايه
رفـت رايـة الـحـمره على العالم هدايه
مـن مـكة ابتدت قصة ذبح والطف نهايه
الـنـهـايـة كـربله والمنتهى منها البدايه
مـشـانـه الـعـهد والمعتقد مشية ولايه
يـحـديـنـه الـحزن والتلبية بوادي المنايه
نـتـأسـى بجرح ذيك المشت بين الضحايه
زيـنـب يـا عظم زينب غدت كعبة رزايه
مـشـت ويه الحرم عبرة وحرايركم سبية

مـهـديـنه رفع راية وسطع بالكون نوره
ورفـت ع الـبشر من كربله راية ظهوره
مـشـينه الحضرتك يا سيدي القبرك نزوره
ويـزيد الطاغية وكل طاغية نسحق غروره
كل شيعي ومحب يهوى علي واجب حضوره
يـمـزج بالدمع دمه ويصب حزنه بسروره
الـف حجة الى الطاف وسعه بكعبة شعوره
وجـدد بـيـعـته للغايب وعظم اجوره
نـعـظـم له الاجر و انشاركه بعبره جرية

وحـق الـي هـوى يم رايته جنب الشريعه
يـمـصـباح الهده وحق رايته كفه القطيعه
دمـه الا جـرى جـدد عهد واجب البيعه
شـيـعـة اعله العهد للمنتظر تعرفنه شيعه
رايـة عـسـكرك لا ما هوت يبن الوديعه
عـهـدك والشرف رغم الخطر لا ما نبيعه
نـرفـع رايـتك فوق الثره بكل الوسيعه
نـحـرق كل قلب يا سيدي ابنار الفجيعه
إبـكـل دار وبـلد لمصيبتك ننصب عزية

دمـك من جره سال وكتب صك إنتصاره
نـحـرك من ذبح بسيف الشمر صدر قراره
مـيـت من قطع هذا النحر ملغي اعتباره
خـالـد هـالعرش رغم الزمن كعبة مزاره
نـار مـخـيمك شبت لظى قلوب الغياره
نـارك ذوبـت قـلب الهده سلبت قراره
وجـيـنا لكربله نعينه بكثر صبره على ثاره
نـلـوذ بـرحمته وننصب عزه ابهاي الزياره
نـهـل دمـنـا دمع مثله ونشب نار الرزية

امـشـي لـترتبك يا سيدي واشتم عبيرك
وترابك وطن وانا الـصرت بالحب سفيرك
اسـيـر بـمنهجك صامد ولا اغير مسيرك
هـواي انـت يـبو اليمة هوا العالم اسيرك
عشت كل العمر وانا ارتوي بألطاف خيرك
عـبـراتي جرت قطرة وفاء بساحل غديرك
كـبـيـر انت يبو اليمة وانا الخادم صغيرك
أفـك عيني النظر بين البشر ما اشوف غيرك
واظـل خـادم الـك اقسم بضلع الزجية